კახური ზეთი კალიფორნიაში გაიყიდება

0
30

ნატურალური კახური ზეთი სახელწოდებით – „თი ემ თი“ კალიფორნიის ბაზარზე შევიდა, – როგორც BM.GE-ის კომპანიის ერთ-ერთმა მფლობელმა ზურაბ უჩუმბეგაშვილმა განუცხადა, 1000 ბოთლამდე ტრადიციული მეთოდით დამზადებული კახური ზეთის საცდელი პარტია უკვე ამერიკაშია გაგზავნილი და ის დაახლოებით, ორ კვირაში კალიფორნიაში გაიყიდება. რაც შეეხება საფასო პოლიტიკას, 1 ლიტრი ზეთის ღირებულება 1.60 დოლარი იქნება.

უჩუმბეგაშვილის თქმით, „თი ემ თი“ კახური ზეთის მეორე ხაზია და მან პირველი ხაზი სახელწოდებით – „მიხო პაპა“ ექსპორტზე კალიფორნიასთან ერთად ნიუ-იორკსა და ვაშინგტონში ჯერ კიდევ სამი წლის წინ გაიტანა. ორივე ხაზს ერთი და იგივე მწარმოებელი ჰყავს – შპს „სიღნაღი“.

„ამერიკის ბაზარზე ორ თვეში ერთხელ 1 500 ბოთლ ზეთს ვაგზავნით, ძირითადად ქართულ და რუსულ მაღაზიებს ვამარაგებთ. ასევე ამერიკის გარდა, პროდუქცია ამჟამად „თი ემ თი“-ს სახელით ისრაელში, ჩეხეთსა და გერმანიაში გადის”, – განაცხადა უჩუმბეგაშვილმა.

„თი ემ თი“ ზეთის გარდა საკონსერვო წარმოებაც აქვს, რომელიც ისრაელის, ჩეხეთის, ამერიკის და გერმანიის ბაზარზე გადის. შემოდგომაზე ის ექსპორტზე ჯემების, მურაბების, კომპოტების და სუნელების დიდი რაოდენობით გატანას გეგმავს.

მიმდინარე წლის ოქტომბერ-ნოემბერში „თი ემ თი“ ზეთის და საკონსერვო პროდუქციის საწარმოს სიღნაღიდან კასპში გადმოტანა იგეგმება.

წყარო:commersant.ge 

LEAVE A REPLY

Please enter your comment!
Please enter your name here